Хан-Уул эрүүл мэндийн төв нь урт болон богино хугацааны стратеги төлөвлөгөө гарган түүнд тусгагдсан шат дараалалтай ажлуудыг шийдвэрлэн ажиллаж байгаа юм.
Эрчимт эмчилгээний тасгийг өргөжүүлэх ажлыг 2018 оны төлөвлөгөөнд тусгасан.
Үйлчилгээний чанар хүртээмж, шаардлагаас хамаарч хэрэгжүүлэх ажлын дээгүүр жагсаалтад багтаагаад байсан.
Эрчимт эмчилгээ нь анх 2000 онд Хэвтэн эмчлүүлэх тасаг дотор 1 сувилагч 1 эмчтэй 2 ортой үйл ажиллагаагаа эхэлж үүнээс хойш 18 жил ажиллаж ирснийг 2018 оны 4 сарын 25 өдөр 4 ортой тусдаа бие даасан тасаг болон өргөжүүллээ.
Уг тасгийг өргөжүүлэх ажил нь шат дараалсан олон шийдвэрүүдийн үр дүнд хэрэгжиж байгаа бөгөөд барилгын 1 давхарын засварын ажил зогссон хэсгийг дуусган тус жигүүрийг чанар, стандартад нийцүүлэн тохижуулж эрчимт эмчилгээний тасгийг нээн яаралтай түргэн тусламжаа түшиглэн үйл ажиллагаагаа явуулахад бэлэн болоод байна.
