Өнөөдөр олон улсын сувилагчдын өдөр тохиож байгаа бөгөөд манай Улсын хувьд 1995 оноос хойш энэ өдрийг тэмдэглэж иржээ.
Тэмдэглэлт өдрийг тохиолдуулан Сувилахуйн ариун үйлсэд гар бие оролцохоор энэ жил шинээр ажилд орсон 4 сувилагч болон сувилагч нар иргэдийнхээ эрүүл энхийн манаанд хоёргүй сэтгэлээр хандаж, өөрийн эзэмшсэн мэргэжилдээ чин үнэнчээр хандахаа илэрхийлж тангараг өргөлөө.
Хан-Уул эрүүл мэндийн төв нь 100 орчим сувилагчтай бөгөөд тус өдрийг угтан сувилагч нарын мэргэжил, ур чадварыг дээшлүүлэх, сурталчлах зорилгоор уулзалт, хэлэлцүүлэг, онол практикийн хурал зэрэг томоохон ажлуудыг зохион байгуулж ажилласан.
Уг арга хэмжээний үеэр Сувилагч нарын оролцоо, ур чадвар, салбартаа удаан жил үр бүтээлтэй ажилласан зэргийг харгалзан шагнаж урамшууллаа.
Эрүүл мэндийн салбарын хүндхэн ачааг үүрч ажилладаг нийт сувилагч нартаа ард олныхоо эрүүл мэндийг сахин хамгаалах ариун үйлст нь өндөр амжилт хүсье.
